Leks 16: Wi feire gebuursdai

 

Det schochst dü üüb detheer sidj

Emma küd nooch arken dai gebuursdai feire. Detheer juar hee hat ham ütjtoocht, dat ale jongen, wat hat nuadigt hee, üüs indiaaner kem. Nü drank jo ‚Feuerwasser‘, an jo iidj ‚Wildwest‘-kuuken. At best oober san dön geschenke. Emma as al gans ütj a tüüt. Wat as wel ales uun dön pakeeten banen?

 sid 34 - 35

Snaake auer det bilj

So küd fraagen tu det bilj ütjsä. Wat küd ham diarüüb swaare?

Wat schochst dü üüb det bilj?

Hüföl tualiglaachten schochst dü üüb det kuuk?

Hü schocht Tofel ütj?

Wat spele dön jongen?

Wat för en juarstidj könst dü üüb det bilj keen?

Wat maaget Emma?

Wat maaget Emma sin mam?

Wat haa dön jongen uun?

Fertel, wat ales üüb boosel stäänt!

Wat för klöören haa dön feelern?

 

Mäenöler snaake

So küd Paul an Emma mäenöler snaake:

Dialog Paul an Emma - Leks 16

 

Tuharke

Dialog Paul an Emma - Leks 16

 

Du ens wat!

Heer jaft det wat tu dun:

Snaake mä ale jongen ütj din klas. Finj ütj, hoker uun a wos, uun a somer, uun a harewst, uun a wonter gebuursdai hee!

Fertel, hü dü hal dan gebuursdai feire maadst!

Auerlei, wat dü di tu dan gebuursdai wanske könst!

Moole en gebuursdaiskuuk!

Skriiw en wanskseedel!

 

En bilj, wat ham uunmoole kön - Leks 16

 

Spalen, liitjin, riimen

Spalen:

Liitje:

  • „Tu gebuursdai“ (tekst: Eiken Michelsen, üüb’t wiis faan „Wie schön das du geboren bist“ faan Rolf Zuckowski; faan’t CD „Üüs letj kaat het Miine. Skuuljongen faan Söleraanj schong mä Enken Tholund an Diana Jeß“)  

Riimel:

  • Gebuursdaisriimels (Fryske Taal Rotunde, Dial 2, hrsg. vom Nordfriisk Instituut, Bredstedt 2002, S. 4.7.)

 

Wurden tu detheer sidj (wurdenrak)

Heer jaft det en liist mä wurden för al dön saagen, wat üüb det bilj tu sen san, an uk mä wurden, diar brükt wurd, am auer det bilj tu snaakin.

Wurden för Leks 16

 

Det kön wi nü (Kompetenzen)

  • fering wurden eftersnaake
  • (mä ölern tup) en liitje schong
  • (mä ölern tup) en kuuk baag
  • faan din wansker fertel
  • ferstun, wat a skuulmääster sait