Leks 19: Maage sport
Det schochst dü üüb detheer sidj
Sport kön gans onerskiaselk wees – det schochst dü heer. Ens gungt det gau, ens gungt det eewen, wilems bütjen, wilems banen. An wat för en sport waant, det schochst dü uk gliks.
sid 40 - 41
Snaake auer det bilj
So küd fraagen tu det bilj ütjsä. Wat küd ham diarüüb swaare?
Wat schochst dü üüb dön biljen tu a lachter sidj?
Wat schochst dü üüb dön biljen tu a rochter sidj?
Wat maaget at kaat?
Wat spele Paul an Emma?
Wat maaget at müs?
Hüföl müsen fanst dü?
För wat för en sport brükt ham en baal?
Wat för en sport maaget ham bütjen?
Wat för en sport maaget ham banen?
Wat för en sport üüb dönheer biljen maage jam uun skuul?
Mäenöler snaake
So küd Paul an Emma mäenöler snaake:
Tuharke
Du ens wat!
Fertel, wat för en sport dü maagest!
Fertel, wat för en sport dü goor ei meest an huaram ei!
Maage dan sport föör an leet dön ölern riad!
Teenk di en spal mä en baal ütj an wise det!
Fertel faan en sport, wat ei üüb dön biljen tu sen as!
Auerlei jam det tu tauen of tu triien!
En bilj, wat ham uunmoole kön – Leks 19
Spalen, liitjin, riimen
Spal:
- „Probe“ mä a baal
A baal wurt jin en woch smeden: 10x mä bial hunen, do mä a rochter hun, mä a lachter hun, oner’t rochter bian troch, oner’t lachter bian troch, mä’t knöbian, … Wan de baal deelfäält, as de naist uun a rä.
Wurden tu detheer sidj (wurdenrak)
Heer jaft det en liist mä wurden för al dön saagen, wat üüb det bilj tu sen san, an uk mä wurden, diar brükt wurd, am auer det bilj tu snaakin.
Det kön wi nü (Kompetenzen)
- fering wurden eftersnaake
- wurden keen, wat tu sport diartuhiar (Bewegungsverben)
- faan di salew fertel
- fertel, wat dü meest an wat ei
- ferstun, wat a skuulmääster sait