Leks 18: Öler lunen
Det schochst dü üüb detheer sidj
Dön jongen uun a klas luke jo en koord faan a wäält uun. Ferlicht san högen faan jo al ens uun en öler lun weesen. Jo kön do fertel, wat diar ales ölers wiar an wat det diar tu iidjen jewen hee.
sid 38 - 39
Snaake auer det bilj
So küd fraagen tu det bilj ütjsä. Wat küd ham diarüüb swaare?
Wat schochst dü üüb det bilj?
Wat maage dön skuuljongen an de skuulmääster?
Wat stäänt üüb’t wöningbeenk?
Huar as de läptop?
Wat maage a jongen diarmä?
Hük flagen üüb det bilj käänst dü?
Wat sweemt uun’t weeder üüb det lunkoord?
Wat liar a jongen uun detheer stünj?
Wat schochst dü, wan dü ütj at wöning lukest?
Hüföl jongen san üüb det bilj tu sen?
Mäenöler snaake
So küd Paul an Emma, Frau Hansen an dön öler jongen mäenöler snaake:
Dialog Paul, Emman, Frau Hansen an dön öler jongen - Leks 18
Tuharke
Du ens wat!
Heer jaft det wat tu dun:
Beskriiw din klasenrüm!
Lees ale taalen üüb a taafel gratem föör!
Fertel, wat dü för lunen käänst!
Snaake diarauer, ütj wat för lunen dön jongen ütj at klas kem!
Auerlei, wat för spriiken uun dön lunen snaaket wurd!
En bilj, wat ham uunmoole kön - Leks 18
Spalen, liitjin, riimen
Riimen:
- Diar floog en fögle stark auer Denemark (ütj: Volkert F. Faltings/Reinhard Jannen: Aarebaare Lungesnaare. Kinderreime und -lieder von Föhr und Amrum, Husum 2018, S. 27)
- Aarebaare Lungesnaare
Liitje:
- Uun det lun mä det fiin güül sun (Fryske Taal Rotunde, Dial 1, hrsg. vom Nordfriisk Instituut, Bredstedt 2002, S. 4.5)
Wurden tu detheer sidj (wurdenrak)
Heer jaft dat en liist mä wurden för al dön saagen, wat üüb det bilj tu sen san, an uk mä wurden, diar brükt wurd, am auer det bilj tu snaakin.
Det kön wi nü (Kompetenzen)
- fering wurden eftersnaake
- hög wurden ütj öler spriiken keenen liar
- (mä ölern tup) en liitje schong
- wat auer öler lunen fertel / ham wat auer öler lunen ütjteenk an fertel
- ferstun, wat a skuulmääster sait