Leks 8: Wi spele bütjen

 

Det schochst dü üüb detheer sidj

Det as de best spelplaats uun’t steed – Paul an Emma san miast arken eftermade üüb de klemerborig, so üüs föl öler jongen ütj hörens klas. Emma hee en feinen treker faan sin freundin ütjliand, de fant Paul super. Oober det nei krokodiil ütj holt gefäält jo uk – Tofel sprangt diar gau ens apüüb an do uk gliks weler deel. Öler tiaren luke neiskirig tu!

 

Snaake auer det bilj

sid 18 - 19

So küd fraagen tu det bilj ütjsä. Wat küd ham diarüüb swaare?

Wat schochst dü üüb det bilj?

Wat maage Paul an Emma?

Huar as Tofel?

Wat kön dön jongen heer spele?

Huar as det kaat?

Wat maaget de maan üüb a beenk?

Hüföl jongen schochst dü üüb de spelplaats?

Wat för speltjüch leit uun a sun?

Wat as ales trinj üüb de spelplaats?

Huarefter  schocht de buumstam ütj?

Schük de skofel!

Schük dön tiaren an teel jo do!

 

Mäenöler snaake

So küd Paul an Emma mäenöler snaake:  

Paul:

  

Paase üüb, Tofel, reer di ei, ik klemre gliks auer di wech!

Emma:

 

An ik rük noch en betj efter beeften, dat dü nooch plaats heest.

Paul:

 

Emma, det as cool tu balansiarin. Det skääl dü gliks uk ens ferschük.

Emma:

 

Jä, du ik eftert. Ik maad oober ei auer Tofel wech straal.

Paul:

 

Wi kön uk iarst ens üüb de klemerborig gung. Diar san jüst ei so föl jongen.

Emma:

 

Of wi nem üs de treker mä de bagerskofel.

Paul:

 

Uu jä, oober nü skal ik üübpaase, dat ik ei deelfaal.

Emma:

 

(üüs Paul det skaafet hee an bi ham as:) Alerbest, Paul! An super, Tofel – dü heest di goor ei reerd.

Paul:

 

(sprangt faan de buum deel an leept hen tu de treker) Emma, komst dü mä ap üüb de treker?

Emma:

 

Klaar. Do keer wi nü hen tu det sun an bagre diar.

Paul:

 

Fein. Wi san dön best bagerkeerers faan a wäält, Emma!

Emma:

 

Jä, Paul, leet üs bagre!

 

Tuharke

Dialog Paul an Emma - Lex 8

 

Du ens wat

Heer jaft det wat tu dun:

Fertel, huar dü hal bütjen spelest!

Fertel faan dan best spelplaats!

Fertel, wat dü diar belewet heest!

  

 

Spalen, liitjin, riimen an staken

Leesestak:

Riimen:

 

Det kön wi nü (Kompetenzen)

  • fering wurden eftersnaake     
  • riimelsen keen an ham efter dön wurden reer
  • uunsai, hü en spal gungt
  • sai, hoker wonen of ferleesen hee
  • ferstun, wat a skuulmääster sait

 

Wurden tu detheer sidj (wurdenrak)

Heer jaft det en liist mä wurden för al dön saagen, wat üüb det bilj tu sen san, an uk mä wurden, diar brükt wurd, am auer det bilj tu snaakin.

 

Wurden för leks 8